Zerbitzu honek Esklerosi Anizkoitzaren Zentroko erabiltzaileen beharrizanak betetzen ditu, euren kabuz egin ezin dituzten jardueretan (komunera joan, jan…) eta erabiltzaile bakoitzaren beharrizan espezifikoetan lagunduz.

Halaber, Fisioterapia Zerbitzuaren indargarria ere bada, izan ere, sekuelak prebenitzeko eta gutxitzeko Programaren errehabilitaziorako aparatuak (aulki bipedestadorea, bipedestadorea, bizikleta pasiboak, presoterapia eta dardarazko plataforma) erabiltzen eta jartzen laguntzen baitzaie erabiltzaileei.

Zentroko laguntzaileek gune soziala ere bultzatzen eta indartzen dute eta erabiltzaileei, beharra duen jardueretan, laguntza ematen diete.