Esklerosi Anizkoitzaren Zentroak sexologia zerbitzua eskaintzen du, gaixoei esklerosi anizkoitzaren ondorioz sortu zaizkien sexu-arazoen aurrean laguntzeko, eta kasuaren arabera, informazio-, aholkularitza- eta terapia-zerbitzuak eskaintzen zaizkie.

Esklerosi anizkoitzaren sintomen artean, sexualitatearekin lotutako hainbat arazo sor daitezke, bai afektibitate-mailan, bai maila fisikoan. Kontsultetan, gaixoek dituzten zalantzak argitzen dira eta sexu bizitza aski ona izaten laguntzeko jarraibideak ezartzen dira.